الموضوع:

انا بالنسبه لي اقسم العماله كل خمسه مع بعض وكلهم صنايعيه
مافي احد يشتغل من برا واعطيهم بالمتر ويشوفون واحد منهم يشيخونه
اتحاسب معه بس مااتجاهل الباقين ويكون الحساب قدامهم وبعد مااصرف لهم يجون
كلهم يبصمون باستلام حقوقهم لان لو شيخة احد واعطيته حسابه من ورائهم بجي عندهم
وبيقول مااعطاني شي وتدخل انت واياهم في متاهات ونصيحه الي يبي ياخذ عماله ياخذ
هنديه وباكستانيه

لا- اعطيهم بالراتب

الاساس الذهبي أكتب: السلام عليكم ورحمة الله وبركاته
اول شي موقعك في منطقة وثانيا عدد سبعه كويس
اقسمهم على دفعتين اذا ودك تشتغل اهالي واعطهم بالمتر
التليس اهالي من 15 - 20 وعلى حسب المنطقه وعلى حسب الشغل لان بعض الاحيان تصادف مشاكل في التليس بسبب البناء الي بناءوفيه اماكن ضيقه مثل المصاعد والمناور اما حكومي من 25 ريـال وانت طالع
والبلاط فيه بلاط مزايكوا 15 ريــال - بورسلان 30 ريـال قيشاني 25 ريـــــــال رخام 35 ريـــال سراميك ارضيات 20 ريــــــال في شغل كثير ومشاريع كثير وانتبه من مشاريع الباطن خاصه اذا انت مبتدى ومامعك فلوس بتورط نفسك وتورط العماله معاك وبتدخل في مشاكل كثيرة لان قانون الدوله يقولك الباطن باطل وماهو المقصد اخوفك بس انتبه عند عمل العقود ولازم تعصب راسك وتشد حيلك في المقاولات ولا صعب عليك شي تعالني وانشاء الله انا نقدر نساعدك في اي شي يصعب عليك في مجال المقاولات ولك جزيل الشكر

بيض الله وجهك اشهد انك شهم على هذه النصيحه
لك مني جزيل الشكر

ووجهك اخي الكريم وهذا واجب على كل واحد مسجل في
هذا المنتدى انه يقدم نصيحه وخاصه اهل التجارب والي لهم
فتره يعملون بهذا المجال وماسوينا شي طال عمرك ومانرضى لك
الخساره طال عمرك والله يرزقك من واسع فضله وانشاء الله انها تكبر وتسير شركه
من الشركات التي تعتمد عليها البلد والله يوفقك
ودمتم
الاساس الذهبي

ماجد الغبيشي أكتب: تبغى النصيحه حاول تقدم على مشاريع حكومية وخصوصا النظافة وراح تطلع لك تاشيرات بالهبل
وشوي شوي راح تلاقي عندك ١٠٠ عامل
وسرحهم في الشوارع بشرط اي عمل يحصلون علية يوقعون عقد

تقريبا راح تدخل نص مليون سنويا وفالك البيرق

التستر هي الشغله الوحيده الناجحه في هذه الديره

من جد أخوي ماجد هههههههههههههههههههههه

كل التضييق هذا على الناس لان شكل الحكومه تبي العالم تشتغل تستر