الموضوع:

بسم الله الرحمن الرحيم
مرات تحس بتوفيق ان ربك يلهمك تدخل مواقع مفيده مثل موقع مركاز

القصة ياخوان .. أحنا عندنا أرض كبيرة بالجنوب وسط مدينة كانت سابقا مزرعه ولكن الجفاف قتل كل شي .. والان أنا أفكر أبتدي مثلكم واخذ الارض اقلبها خام واخططها وابيعها.. لكن البوصلة ضايعه عندي ..

أخوكم بندر الغامدي مهندس والحمدلله شغيل ماحب الكسل.. فقلت غيري سوا مخططات وانا ماني بناقص عنهم بشي ولاني مخترع شي جديد.. لكن البداية صعبه.. ودي اعرف كيف ابدا بالمخططات وبرنامج وافي لبيع ع الخارطه وكيف اطور اتلبنية التحتيتة و المويه والكهرباء هلم جره...

اذا عندك ولو اجابة وحده من الأسألة القادمة اكن لك من الشاكرين..

١- نصيحة منك لي لوجه الله؟

٢-كيف أبدأ؟ وين اتوجه ؟

٣-كم التكلفة المبدأئية علما مساحتها ٥٠٫٠٠٠ الف و بس ابي اقسمها اراضي مخططات؟ والبيع ع الخارطه

٤-الأستثمار نقدر نقنع الرجال لو هو مجدي .. بس مابي اتفشل وانا ماقد طورت مخطط .. البنك وش دوره؟

٥- الاراضي حواليها انقلبت مخططات والحمدلله انباعت .. فأرضنا اطيب بالموقع من اراضيهم ومستويه مايبيلها الا ردم للشوارع ؟

٦- كم تكلفة المتر من للبينية التحتيه؟ ( ماء, كهرباء, انارة, سفلته, تصريف امطار,تخطيط)؟

٧-الواسطات لها دور؟ وهل تتطلب للاسف الى دهن سير؟

٨-كم يستغرق الموضوع بحسب الخبرة؟

٩-كم مبالغ المبدأئية المطلوبه؟

١٠- الله يجزاك الف خير ع اي جواب كتبته

اخوكم: بندر الغامدي

بلنسبه للاسفلت أبشر تواصل معي ونا احسب لك التكلف من ألالف إلى الياء وتحت امرك والله يوفقك ويرزقك ٠٥٤٢٣٣٤٩٨١

اول شي لازم تشوف حركة او اتجاه المد السكاني ومتى ممكن يوصل للمنطقة الي فيها الارض وخلال كم سنة طبعاً تقدر تعرف هالكلام من وزارة الاسكان او الامانة وتشوف مخطاطات المدينة في المستقبل القريب والبعيد.
ثاني شي يبيلك تسوي دراسة جدوى للمشروع من مكتب موثوق وعنده خبره عشان تشوف التكلفة التقديرية لتخطيط الارض وانشاء البنية التحتية وهاذي تفيدك اذا رحت لبنك او مستثمر يدخل معك شريك او حتى لو حبيت تبيع الارض.
ثالث شي بناء على دراسة الجدوى وحساب التكاليف تقدر تاخذ القرار الصحيح في انك تبداء او تفكر في شي مختلف . مثلاً لو كانت الارض تنفع تكون للمصانع والمستودعات وهذا راح يرجعك لتخطيط المدينة والخطط المستقبلية الي حطتها الامانة للمدينة واتجاه العمران السكني او اتجاه الانشاءات الصناعيه فيها.
توكل على الله وحاول تحصل على المخططات المستقبلية للمدينة من الامانه ومن هنا ابدا اتحرك .
اتمنى لك التوفيق وهذا نصيحتي لك

صناعية او مستودعات تجارية