الموضوع:

السلام عليكم ورحمة الله وبركاته

ياخوان انا اصدرت سجل تجاري لمؤسسة مقاولات واشتراك في الغرفة التجارية، وباقي افتح الموقع وأستكمل باقي الاجراءات مكتب العمل،طبعا بداية راح اركز في النشاط على الدهانات والبلاط واللياسة حسب التأشيرات اللي يعطونيها، راح ارتبها في فترات مختلفة لكن البداية بالدهانات.. لكن انا متخوف من كذا شغلة:

الأولى: اذا فتحت المحل وخسرت عليه ما ادري كم راح يعطيني مكتب العمل من تأشيرة ناس تقول 2 يمكن 3 وأنا أبغى 3 مو مشكلة بس راح احدد جنسيتهم دهانين فلبينين (هل يعطوني من نفس الجنسية).

الثانية: المنشسأة جديدة ويمكن تكون التأشيرات كلها 2 او 3 وسمعت انه لابد من توظيف سعودي والمشكلة أنا مسجل كموظف في شركة حكومية وما أقدر اسجل نفسي على حسب ماسمعت، (هل أقدر اسجل قريب لي.. حاليا طالب)،، والله لو المنشأة دخلها ممتاز ووضعها كويس كان وظفت سعودي لو نصف دوام بس كلها 2 عاملين.

الثالثة: لو افترضنا مشينا في الخطوات ووظفت سعودي (طالب) كم الوقت اللي راح انتظر الى أن يعطوني التأشيرات (سمعت انها 3 شهور حسب موضوع نطاقات، ياليت توضحون هالنقطة لأنها والله خراب بيوت).

المشكل اني ابغى اترزق الله لو ابغى ادخل في بيع الفيز استأجرت محل ب 2000 ريال ووظفت سعودي اللي يبغونه واطلب عمالة باكستانية وابيعهم، لكن الله يعين.... آمل الرد ولكم جزيل الشكر..

طبعا يمكن احد يقول اسأل وزارةالعمل... أنا ارسلت ايميل حسب اللي في الموقع لكن جاء رد آلي انه لازم اتصل على الرقم (00) دقيت ردت علي بنت تقول حنا نستقبل بس شكاوي..

وعليكم السلام ورحمة الله وبركاتة
بالنسبة للجنسيات العمالة تكون مختلفة
ضروري توظف سعودي وتسجلة بالتامينات الاجتماعية تدفع علية تامين شهري

السلام عليكم
بصراحه اولاالله يرزقك ويوسع لك
نظام وزارة العمل مايعين على العمل ولا العمل الصحيح
- المناطق تختلف في انظمته وسهولته بعرعر الحدود الشمالية لو تموت وشدة وانظمه لوحدهم وحفر الباطن الامور سهله ولايخفاك بعض الامور
- اوصيك باستخراج تاشيرات سواق خاص اكثر من واحد وعامل منزلي لك ولاخوانك واللي تمون عليه والا لن تعمل
- اذا لم تتعب من الاول وتسهر لن تحصل على شي
- وصيه تحر الحلال يبارك لك الله
انا مثلك ونفس طريقتك اعطوني تاشيرتين والجنسيه مصري وباكستاني الزامي وابوسع النشاط قالوا نطاقات اصفر وعلى الله